Story of an extra ordinary train of Indian railway.
16 December ko mujhe Delhi se Fakharpur tak jana tha jo Baghpat district me ek gaanv h or ek Halt bhi h
15:30 p main Shahdara railway station par pahuncha us din 74027 DEMU nahi thi to mere paas agla option 14545 janta express tha. Is train me jyada bheed rehti hai to maine Delhi jn se hi baith kar aane ki sochi or metro se 1600 hrs tak delhi pahuch gaya. Train abhi tak ayi nahi thi jo 15:20 pe DEE se chal...
more...

chuki thi, poore platform p train ka wait karne wale logo ki bheed jama thi. Maine dekha ki DEE side se poora platform bhara h to main bhi us side chala gaya.
Akhir jab 16:40 par announce hua ki train aa rahi h to sabhi log platform se niche track ki taraf chal pade kuch to lagbhag 200 mtr door tak chale gaye. Main khada hua dekh raha tha jab ek aadmi se poocha to usne bataya ki train platform pe aane se pehle hi bhar jayegi. Jaise hi train pahuchi to jo log track p the wo train me chad gaye iske baad jo platform k just niche the wo bhi chad gaye.(iska video attached h)
Jab train ruki or andar ghusa to har seat p ek ek aadmi baitha tha jo uska poora maalik tha usne seat p bag rakh k use apne naam p registered kar lia tha(pic1,2,3)
Maine jab bag uthane k liye kaha to jawab mila " bhai yahan log ayenge" . Ye log jo daily travel karte h doosre dosto k liye seat book karke rakhte h. Usne mujhe nahi baithne diya or last me mujhe seat k ooper wali jagah pe hi baithna pada jo mere liye nikat bhavishya me accha bhi hua.
Jab train 15 min late 17:20 p chali to wo poori trah full thi. Lekin jaise hi ye train Shahdara station p ruki to ekdam bhoochal aa gaya or agle 15 second me poori train jam pack ho gayi sare corridor seaton ke beach ki jagahsab full kahin pair rakhne ki jagah nahi bachi.
Jab maine door ki taraf dekha to wahan bhi 7-8 log bahar latke hue the.(pic-4,5,6) Ab mujhe apni seat p garv mehsoos hua kyoki yahan main 5 logon or 7 bags k saath aaram se bheed se ooper baitha tha.
GRP ki mashakkat k baad train start hui. Main soch raha tha ki mid December ki is chilled evening me ye log bahar latak ke kaise travel karenge. Ek saath wale aadmi ne bataya ki ye to roj ka h ye Loni tak jayenge aise hi.
Shahdara outer p pahunchte hi meri yatra me chaar chaand lagane ke liye chain pulling bhi start ho gayi jo Loni tk kai baar hui. Or akhir me ham 19:00 hrs p Loni aa gaye yahan bahut log train se utare lekin utne hi chad bhi gaye. Agle station se oehle ek baar or chain pulling hui jab next station Gothra p train ruki to ye wo pehla station tha jahan log train se sirf utre the chadhe nahi the.
Gothra se train chalne se pehle hi main sochne laga ki main next station jo mera destination tha wahan utar paunga ya nahi kyoki corridor me main niche utar saku itni jagah nahi thi agar main koshish bhi karta to mera pair kisi k sir ya kandhe par hi rakha jata. Fir mere dimag me aya ki main Khekra se 74024 m wapas aaunga jo is train k saath crossing k baad ayegi jo single line hone ke karan khekra ruki thi.
Fir ek aadmi se maine poocha " tau utaar doge k yahan mujhe bhi"
Usne kaha ""jaroor bhai aja seedha uper uper se bahar kood ja"
Maine ek pair logon k sir k ooper se seat k ooper or doosra door k ooper rakh k bahar chhalang laga di or seedha platform p land hua.
Iske baad maine do baar seeti bajake jati hui train ko or usme latke logon ko tab tk dekha jab tak wo station k just baad wale curve se mudkar andhere me ghum nahi ho gayi.(pic-7)
Or is tarah se meri ek sahasik yatra sampann hui.

Last day's of Diesel | Some Speedy action on Only high speed Unelectrified Route near Delhi.!! click here
.
Hello Folks,
Presenting the compilation of Delhi - Rewari Route which has been famous for its speedy track with Non-Electric trains.
With...
more...

the time this is also going to be electrified and we have seen electric poles taking place. Here are some captures of this route Famous trains.
Ashram Express, Ahmedabad Rajdhani Express, Udaipur Humsafar Express, Ajmer Shatabdi Express, Jaipur Special Express, Janshatabdi Express.
.
Enjoy the Video And Please do not forget to subscribe