RailFanning is an art-form; RailFans are the paints - Ayush Kumar Singh

रेल्वेत लोअर बर्थसाठी अतिरिक्त पैसे मोजावे लागण्याची शक्यता
मुंबई : रेल्वेच्या प्रवासात रात्री स्लीपर बर्थला प्रचंड मागणी असतेच. त्यात एकदम खालच्या बर्थसाठी अधिक मागणी असते. रुग्ण आणि वृद्धांसाठी तर एकदम खालचा बर्थ अत्यंत सोयीचा ठरतो. त्यामुळे रेल्वेच्या स्लीपर डब्यात लोअर बर्थ बुक करायचा असेल, तर आता तुम्हाला जास्तीचे पैसे मोजावे लागण्याची शक्यता आहे. कदाचित ५0 ते १00 रुपये जादा द्यावे लागण्याची शक्यता आहे. याबाबत लवकरच नवे धोरणा आणण्याची तयारी रेल्वे प्रशासन करत आहे.रेल्वेचे तिकीट आरक्षित करताना प्रवाशांना बर्थचा पर्याय निवडावा लागतो. या वेळी प्रवासी लोअर बर्थ निवडतात. महिला वर्ग, गरोदर स्त्रिया आणि ज्येष्ठ नागरिक नेहमी लोअर बर्थला प्राधान्य देतात. चार्ट बनवताना रेल्वे महिला आणि ज्येष्ठ नागरिकांचा विचार करतात. लोअर बर्थच्या याच वाढत्या मागणीनुसार त्यावर अधिकचा दर आकारण्याचा रेल्वे प्रशासनाचा विचार आहे. त्यामुळे...
more...

लांब पल्ल्याचा प्रवास करायचा असल्यास आता मूळ तिकिटासोबतच अतिरिक्त ५0 रुपये मोजावे लागण्याची शक्यता आहे. रेल्वेचे उत्पन्न वाढवण्यासाठी रेल्वे प्रशासन नवनवीन शक्कल लढवताना दिसते. हा देखील त्याचाच एक भाग आहे; पण महिला, गरोदर माता आणि ज्येष्ठांसाठी हा निर्णय जुलमी ठरू शकतो. रेल्वे मंत्रालयानुसार, जर लोअर बर्थसाठी अतिरिक्त रुपये वसूल केले, तर लोकांची मागणी कमी होईल. परिणामी, लोअर बर्थ ज्येष्ठ नागरिकांसाठी उपलब्ध होईल, असाही एक तर्क लढवला जात आहे.

Keyman's alertness avoids huge disaster. 150 keys of track near the parli (PRLI) railway station are missing.
रेल्वे घातपाताचा कट उधळला परळीजवळ रुळाच्या १५0 चाव्या गायब किमॅनच्या सतर्कतेने मोठा अनर्थ टळला
परळी : परळीजवळील हैदराबादकडे जाणार्‍या मार्गावरील रेल्वे रुळाच्या १५0 ते २00 चाव्या काढल्याने मोठी खळबळ उडाली. या मार्गावर रेल्वे घातपात करण्याच्या उद्देशाने रेल्वे रुळाच्या चाव्या काढल्या का? याची शहानिशा प्रशासन करीत असून, याबाबतच्या सर्व शक्यता पडताळल्या जात आहेत. वेळीच या क्षेत्राच्या किमॅनच्या लक्षात ही बाब आल्याने मोठा अनर्थ टळला आहे.
परळी...
more...

रेल्वे स्टेशनपासून हैदराबादकडे जाणार्‍या मार्गावरील गेट नंबर १२0 जवळ रेल्वे पटरीवरील १५0 ते २00 रुळाच्या चाव्या अज्ञाताने रात्रीच्या सुमारास काढून टाकल्याचे निदर्शनास आले. या गेटपासून २६६/३ ते २६५/१४ या क्रमांकापर्यंतच्या रुळाच्या दोन्ही बाजूला असलेल्या चाव्या काढून टाकण्यात आल्याचे रेल्वेचे किमॅन अंशुमन कुमार यांच्या सकाळी ७.२0 वा. निदर्शनास आले. त्यांनी गांभीर्य ओळखून वरिष्ठांना ही बाब कळवून तातडीने नवीन चाव्या बसवून रेल्वेमार्ग सुरक्षित केला. त्यांनी दाखवलेल्या प्रसंगावधानामुळे पुढील अनर्थ टळला. दरम्यान, या घटनेने मोठी खळबळ उडाली असून, वारंवार रेल्वे मार्गावर वाहतुकीला येणारे अडथळे, तांत्रिक बाबींमध्ये खोडसाळपणा करणो, रेल्वे पटर्‍यावर दगड ठेवणो आदी प्रकार मोठय़ा प्रमाणात समोर येत आहेत. त्यातच परळी या सर्व बाजूंना जाणार्‍या रेल्वेचे मध्यवर्ती स्थानकाजवळील रेल्वे मार्गावर ही खळबळजनक घटना घडली असल्याने हा घातपाताचाच प्रकार असावा, अशी शक्यता वर्तविली जात आहे. या घटनेचे गांभीर्य लक्षात घेऊन रेल्वेचे वरिष्ठ अधिकारी तातडीने परळीत दाखल झाले आहेत. रेल्वे सुरक्षा बलाच्या एक्सपर्ट टीमने घटनास्थळी पाहणी केली.