Purvanchal Express - Poorvottar ka Sikandar

డబుల్ డెక్కర్ రైలు వచ్చిందోచ్!
విజయవాడ/రైల్వేస్టేషన్,మార్చి 12
రైల్వేల పరంగా రాష్ట్రానికి మరో శుభవార్త. దక్షిణమధ్య రైల్వేలోనే మొదటిసారిగా డబుల్ డెక్కర్ రైలు అతి త్వరలోనే మన పట్టాలపై పరుగెత్తనుంది. మరో మూడు నెలల్లో ఈ రైలు ప్రయాణికుల సేవలకు సిద్ధం కానుంది. విశాఖపట్నం నుంచి విజయవాడ మీదుగా సికింద్రాబాద్ వరకూ నిత్యం ఈ రైలు నడిపేందుకు కేంద్రం అంగీకారాన్ని తెలిపింది. ఆ మేరకు ఈ సమాచారం మంగళవారం విజయవాడ డివిజన్ రైల్వే అధికారుల చెవిన పడింది. రైల్వే బడ్జెట్‌లో రాష్ట్రానికి తీరని అన్యాయం జరిగిందనే వాదనల నడుమ, రానున్న సార్వత్రిక ఎన్నికలను దృష్టిలో పెట్టుకుని కేంద్రం ఈ వరాన్ని రాష్ట్రానికి అందించిందని రైల్వే వర్గాలు భావిస్తున్నాయి. ఈ రైలు పూర్తిగా ఎయిర్‌కండిషన్డ్ బోగీలతో నడుస్తుంది. విశాఖపట్నం నుంచి విజయవాడ మీదుగా సికింద్రాబాద్‌కు ఈ రకమైన రైలు ప్రవేశపెట్టాలనే డిమాండ్ చాలా...
more...

కాలంగా వినిపిస్తోంది. పలు సందర్భాల్లో కేంద్రానికి స్థానిక ప్రజాప్రతినిధులు ఈ విషయాన్ని గుర్తు చేస్తూనే ఉన్నారు.
ఇటీవల బడ్జెట్‌లోనే ఈ కొత్త రైలు కు కేంద్రం పచ్చజెండా ఊపుతుందని పలువురు భావించినా, బడ్జెట్‌లో ఎలాంటి ప్రకటన వెలవడకపోవడంతో రాష్ట్రానికి చెందిన కొందరు ప్రజాప్రతినిధులు కేంద్ర రైల్వే మంత్రి బన్సల్‌ను ప్రత్యేకంగా కలిసి ఈ రైలు ఏర్పాటు ఆవశ్యకత వివరించారు. దీంతో బన్సల్ ఈ కొత్త రైలుకు పచ్చజెండా ఊపారు. ఈ ప్రతిపాదన కార్యరూపం దాల్చితే దక్షిణమధ్య రైల్వే పరిధిలోనే మొదటిసారిగా ఈ డబుల్‌డక్ రైలు ప్రవేశపెట్టిన ఘనత దక్కుతుంది.
click here